<<zurück>>

D’Vormooser Wassergenossenschaft
(Romana Pieringer)


Da Herrgot hàt uns zum Leben,
vü gsunds, guats Wàsser gebm,
do so màncher hàts heut scho gschrekt,
sein Wasser ist total vodreckt,
da Bodn gànz verschmutzt und versaut,
wie ma an Wohlstandsmüll da einihaut,
daß ma s’Wasser nimma tringa kànn,
da bist fein àrm mei liaba Mánn.

Aba d’Vormooser, na daß so was gibt,
miar hàm scho wieder so vü Glück,
mit unsan Ursprungwasser klàr und rein,
gsund, gnuag und billig obendrein.

A poar kloane Schwierigkeiten hàma scho ghàbt,
àba unsa Obmann mit seine Helfer schaut glei, daß wieder klappt,
dà derfatn d’Regierungspolitiker oamal kemma,
und sö bei da „Vormooser Wassergenossenschaft“ a Beispiel nehma,
da gibt’s koa Schmiergeld, koa krumme Tour,
da geht’s gànz grecht und ehrlich zua,
für dös Dànk ma eng recht schen, und wünschn, es soll also weitergehn!

<<zurück>>